Showing posts with label Уншсан сэтгэгдэл. Show all posts
Showing posts with label Уншсан сэтгэгдэл. Show all posts

2011-02-10

Оросын тагнуулч

Зохиолч Pete Early-ийн "Оросын тагнуулч" хэмээх номыг Буянцогтоо андын санал болгосноор уншлаа. Олон хүнд хэрэгтэй байж мэдэхээр ном тул товч тэмдэглэл оруулая гэж бодов.

Зөвлөлтийн УАХХ(КГБ)-д хамгийн бага шатнаас нь эхлэн зүтгэж ирсэн, сүүлд Оросын Америк дахь тагнуулын байгууллагыг удирдаж байсан Сергей Третьяков гэж хүний бодит түүх, намтар тул маш сонирхолтой. Энэ номд зөвхөн энэ хүний намтрыг өгүүлсэн мэт боловч бидний туулж ирсэн соц болон одоо амьдраад байгаа нийгмийн бодит байдлыг ойлгоход маш хэрэгтэй зүйлсийг тодорхой дүрсэлжээ.

2010-11-30

Чонон сүлд

Хятадын зохиолч Жиан Рун-ны "Чонон сүлд" романыг амтархан уншлаа...

Амтархан гэдэг нь үнэндээ уран зохиолын уран аялгуу яруу сайханд биш бичсэн агуулгын утга учирт юм. Энэ зохиолын үйл явдал, өрнөл, бичлэг нь тийм ч сүртэй, сонирхолтой, уран яруу санагдсангүй. Харин агуулга дахь үйл явдал, өрнөл, илэрхийлж буй санаа, философи нь яг бидний тухай өгүүлсэн тул олон зүйлийг бодогдуулж, өөр "ямар шинэ мэдлэг, философийн санаа нэмэх бол" гэсэн хүлээлт номыг уншиж дуустал сонирхлыг минь татсаар байлаа.